बारामती प्रतिनिधी :
दि. 16 डिसेंबर 2022
येत्या 18 डिसेंबरला विविध ठिकाणच्या ग्रामपंचायतींच्या पंचवार्षिक सार्वत्रिक निवडणुका जरी संपन्न होत असल्या तरी यात सर्वात जास्त उत्सुकता ताणली गेली आहे ती मोरगाव येथील निवडणुकीबद्दल. इथे सरपंचपदासाठी तिरंगी लढत होत आहे. श्री विघ्नहर्ता सर्वधर्म विकास पॅनलच्या उच्चशिक्षित उमेदवार रोहिणी संदिप ढोले (कदम) यांच्याबरोबर इतर दोन पॅनलच्या अलका पोपट तावरे आणि ललिता बाळकृष्ण तावरे या सरपंचपदासाठी निवडणूक रिंगणात आहेत.
ग्रामस्थांशी चर्चा केली असता समजले की सुशिक्षित उमेदवारच त्यांना गावाची जबाबदारी घेण्यासाठी पाहिजे आहे. म्हणूनच श्री विघ्नहर्ता सर्वधर्म विकास पॅनलच्या उमेदवार रोहिणी संदिप ढोले (कदम) यांना सर्वांची पसंती असल्याचे चित्र पाहायला मिळाले. सरपंचपदासाठी या पॅनलच्या उमेदवार असलेल्या रोहिणी संदिप ढोले (कदम) या उच्चशिक्षित असल्याने आमची त्यांनाच पसंती आहे असे सारे एकसुरात बोलत आहेत. शासनाने जाहीर केलेल्या योजना लाभार्थ्यांना मिळवून देण्यासाठी, विविध कारणांस्तव शासनदरबारी हुशारीने पाठपुरावा करण्यासाठी रोहिणीताईच सरपंचपदासाठी योग्य उमेदवार आहेत असे मोरगावचे सर्व वयातील मतदार सांगतात . तसेच श्री विघ्नहर्ता सर्वधर्म विकास पॅनल हेच गावाचा सर्वांगीण विकास घडवून आणेल असा विश्वास ग्रामस्थ व्यक्त करतात. गेली २५ वर्षे पंचायत सदस्य असलेले श्री विघ्नहर्ता सर्वधर्म विकास पॅनलचे मा. सरपंच दत्तात्रय (आण्णा) ढोले यांचा तीर्थक्षेत्र मोरगावला ‘क’ वर्गातून ‘ब’ वर्गात आणण्यासाठी सिंहाचा वाटा होता. त्यामुळे आता त्यांच्याच मार्गदर्शनाखाली रोहिणी संदिप ढोले (कदम) या मोरगाव तीर्थक्षेत्राला ‘ब’ वर्गातून ‘अ’ वर्गात घेऊन येतील असे ग्रामस्थांना ठामपणे वाटते. त्यामुळे मोरगावच्या सरपंचपदी यावेळी रोहिणी संदिप ढोले (कदम) याच विराजमान होतील असे चित्र दिसून येत आहे.
