हवेली प्रतिनिधी :
दि. 17 डिसेंबर 2022
पेरणे गावात येत्या ग्रामपंचायत सार्वत्रिक पंचवार्षिक निवडणुकीत श्री सिद्धेश्वर पाचपीर महाराज ग्रामविकास पॅनलच्या, सरपंचपदासाठी रिंगणात असलेल्या उषाताई दशरथ वाळके विजयी होतील असे ग्रामस्थांशी केलेल्या चर्चेतून स्पष्ट होते आहे.
“उद्देश चांगला तर यश निश्चित” असे ज्या उषाताईंचे अभिमानाने सांगणे असते त्या गावासाठी नक्कीच चांगली कामगिरी करतील असे त्यांच्याबद्दल ग्रामस्थ आपलेपणाने बोलताना दिसले. त्यांच्या श्री सिद्धेश्वर पाचपीर महाराज ग्रामविकास पॅनलने आत्तापर्यंत गावासाठी बरीच महत्त्वाची कामे केली आहेत. या पॅनलच्या सरपंच रूपेश चंद्रकांत ठोंबरे यांनी 2017 ते 2022 या काळात गावासाठी केलेली कामे उषाताईंना विजय मिळवून देण्यास करणीभूत ठरतील अशी पेरणे गावातील मंडळी संगत आहेत. गावाची स्वच्छता, सुरक्षितता व शुद्ध हवा या दृष्टीने अनेक कामे मा. सरपंच रूपेश चंद्रकांत ठोंबरे यांनी केली आहेत व गावाचा सर्वांगीण विकास साधलाआहे. यात विविध ठिकाणांचे सुशोभीकरण, रस्त्यांचे डांबरीकरण, कॉंक्रीटीकरण, स्ट्रीट लाईट्स, गटारांची कामे इ. आवश्यक कामे श्री सिद्धेश्वर पाचपीर महाराज ग्रामविकास पॅनलच्या माध्यमातून आजपर्यंत झाली आहेत. पॅनलच्या याच परंपरेला साजेसं उषाताईंचं काम असेल असा विश्वास ग्रामस्थांना आहे.
श्री सिद्धेश्वर पाचपीर महाराज ग्रामविकास पॅनलने सरपंच रूपेश चंद्रकांत ठोंबरे यांच्या नेतृत्त्वात आजपर्यंत केलेल्या सर्वसमावेशक कामांची जाण ग्रामस्थांना आहे. ग्रामस्थांशी झालेल्या बोलण्यातून पावलोपावली ही भावना प्रत्ययास येत होती. उषाताई सरपंचपदी विराजमान झाल्यावर पेरणे गावची प्रगती अबाधित राहील व जोमाने पुढे जाईल हा ग्रामस्थांचा विश्वासच त्यांना उद्याच्या निवडणुकीत यश मिळवून देईल असे वाटते.
