मुंबई प्रतिनिधी :
दि. ३० ऑगस्ट २०२४
भारतीय चित्रपट उद्योग काही पॉवर-पॅक ॲक्शन-थ्रिलर चित्रपट आणणार असल्याने वर्षाचा दुसरा भाग मनोरंजनाने भरलेला असणार आहे. 2024 च्या आगामी महिन्यांत काही बहुप्रतीक्षित चित्रपट प्रदर्शित होणार आहेत. देवरा: भाग 1 ते सिंघम अगेन पर्यंत, हे मोठ्या बॅनरचे चित्रपट काही जीवनापेक्षा मोठ्या पात्रांना (Larger than life) रुपेरी पडद्यावर आणणार आहेत. रुपेरी पडद्यावर काही उत्तम कथा या निमित्ताने पाहायला मिळणार आहेत.
देवरा : भाग १
कोराटला शिवाचे दिग्दर्शन असलेला हा चित्रपट किनारपट्टीच्या भूमीच्या पार्श्वभूमीवर तयार केला गेला आहे जो विशिष्ट कालावधीत भावनिकरित्या भरलेल्या घटनांची माहिती देतो. यात नायक हा वंचित लोकांचा उद्धार करणारा असल्याचेही दाखवण्यात येणार आहे. या चित्रपटात ज्युनियर एनटीआर, जान्हवी कपूर, सैफ अली खान, रम्या कृष्णन आणि मुरली शर्मा यांच्या प्रमुख भूमिका आहेत. यावर्षी 27 सप्टेंबर रोजी चित्रपटगृहात रिलीज होणार आहे.
पुष्पा २: द रूल
‘पुष्पा: द राइज’चा सिक्वेल हा या वर्षातील बहुप्रतिक्षित चित्रपटांपैकी एक आहे. चित्रपटात पुष्पा आणि भंवर सिंग यांच्यातील संघर्ष दाखविण्यात येणार आहे. सुकुमारच्या दिग्दर्शनात अल्लू अर्जुन, फहाद फासिल, रश्मिका मंदान्ना, श्रीतेज, विजय सेतुपती, अनसूया भारद्वाज आणि प्रियमणी यांच्याही प्रमुख भूमिका आहेत. हा चित्रपट 6 डिसेंबर 2024 रोजी थिएटरमध्ये रिलीज होणार आहे.
कांतारा: चॅप्टर १
ऋषभ शेट्टीच्या 2022 मध्ये आलेल्या कांतारा या चित्रपटाला राष्ट्रीय पुरस्कारासह अनेक पुरस्कार मिळाले. हा चित्रपट त्याच्या सीक्वलसह परतण्यासाठी सज्ज झाला आहे. कदंब राजवंशाच्या काळात कादुबेट्टू शिवाच्या उत्पत्तीचा शोध घेण्याभोवती ही कथा फिरते. या चित्रपटात ऋषभ शेट्टी, सप्तमी गौडा, किशोर कुमार जी, अच्युथ कुमार आणि प्रमोद शेट्टी यांच्या प्रमुख भूमिका आहेत. हा चित्रपट यावर्षी डिसेंबरमध्ये प्रदर्शित होणार आहे.
सिंघम अगेन
रोहित शेट्टीच्या मल्टीस्टारर कॉप ड्रामामध्ये बॉलिवूडचे काही प्रमुख चेहरे दिसणार आहेत. यात अक्षय कुमार, अजय देवगण, टायगर श्रॉफ, दीपिका पदुकोण, विकी कौशल, रणवीर सिंग, करीना कपूर आणि अर्जुन कपूर यांच्या प्रमुख भूमिका आहेत. हा चित्रपट 1 नोव्हेंबर 2024 रोजी थिएटरमध्ये प्रदर्शित होणार आहे.
बेबी जॉन
कालीसचे दिग्दर्शन डीसीपीच्या कथेवर आधारित आहे ज्याच्यात अमूलाग्र बादल होतो आणि जो आपल्या कुटुंबाला वाचवण्यासाठी अनेक ठिकाणे बदलतो. या चित्रपटात कीर्ती सुरेश, वामिका गब्बी, वरुण धवन, सान्या मल्होत्रा, जॅकी श्रॉफ, राजपाल यादव आणि शीबा चड्ढा यांच्या प्रमुख भूमिका आहेत. तो 25 डिसेंबर 2024 रोजी चित्रपटगृहांमध्ये प्रदर्शित होणार आहे.
विविध धाटणीचे पण अॅक्शनने भरलेले हे चित्रपट प्रेक्षकांना निखळ मनोरंजन देतील अशी अपेक्षा आहे. प्रेक्षक त्यांची उत्कंठेने वाट पाहात आहेत.
