मुंबई प्रतिनिधी :
दि. १० जून २०२५
अक्षय कुमार याच्या ‘हाऊसफुल ५ ‘ या चित्रपटानं बॉक्स ऑफिसवर जोरदार कमाई केली आहे. चित्रपटानं रिलीजच्या चौथ्या दिवशी म्हणजेच पहिल्या सोमवारी १३.५० कोटींची कमाई केली आहे. या चित्रपटानं चार दिवसांत १०१ कोटी रुपयांची कमाई केली आहे.
सॅकनिल्कच्या अर्ली ट्रेंड रिपोर्टनुसार, ‘हाऊसफुल ५’ ने रिलीजच्या चौथ्या दिवशी म्हणजेच पहिल्या सोमवारी १३.५० कोटींची कमाई केली आहे.चित्रपटानं केवळ चार दिवसांत नुसताच १०० कोटींचा आकडा पार केला नाही, तर जाट (९०.४० कोटी) आणि केसरी २ ( ९४.३७ कोटी) यांच्या लाइफ टाइम कलेक्शनलाही मागं टाकले आहे. ‘हाऊसफुल ५’ हा यावर्षीचा पाचवा सर्वाधिक कमाई करणारा चित्रपट ठरलाय.
‘हाऊसफुल ५’ हा चित्रपट जवळपास २२५ कोटींच्या बजेटमध्ये बनवण्यात आल्याचं म्हटलं जातं. या चित्रपटानं चार दिवसांत १०० कोटींचा आकडा पार केला आहे.जर या चित्रपटानं याच वेगाने कमाई केली, तर दुसऱ्या वीकेंडपर्यंत हा चित्रपट १५० कोटींचा आकडा पार करू शकतो.
तरुण मनसुखानी दिग्दर्शित ‘हाऊसफुल ५’ मध्ये अनेक कलाकारांनी भूमिका साकारल्या आहेत. अक्षय कुमार, रितेश देशमुख , अभिषेक बच्चन, श्रेयस तळपदे, संजय दत्त, जॅकी श्रॉफ, नाना पाटेकर, जॅकलिन फर्नांडिस, नगरिस फाखरी आणि सोनम बाजवा यांच्यासह अनेक कलाकारांनी भूमिका साकारल्या आहेत.
रिलीजच्या पहिल्याच दिवशी या चित्रपटाने २४ कोटींची कमाई केली होती. शनिवारी ३१ कोटी आणि रविवारी ३२ कोटींची कमाई केली. अशा प्रकारे तीन दिवसांत ८७.५ कोटींची कमाई केली. या चित्रपटानं सोमवारी देखील चांगली कमाई केली आहे.अक्षय कुमारच्या या मल्टीस्टारर चित्रपटानं बॉक्स ऑफिसवर चांगली सुरुवात केली आहे.
दोन वर्जनमध्ये रिलीज झालेल्या ‘हाऊसफुल ५’ ने बॉक्स ऑफिसवर धमाका केला आहे. रिलीजच्या आधीच या चित्रपटाबद्दल खूप चर्चा होती. त्यामुळं चित्रपटगृहांमध्ये हा चित्रपट पाहाण्यासाठी प्रेक्षकांनी गर्दी केली.
