मुंबई प्रतिनिधी :
दि. २५ जुलै २०२५
सध्या सर्वत्र सैयारा या सिनेमाची जोरदार चर्चा सुरू असल्याचे पाहायला मिळते. या सिनेमातून पांडे घराण्याचा लेक अहानने फिल्म इंडस्ट्रीत पदार्पण केले आहे. त्याच्या नावाची सर्वत्र चर्चा सुरू आहे. नुकत्याच प्रदर्शित झालेल्या या सिनेमामुळे स्टार किड्समध्ये अहानला पुढचा मोठा सुपरस्टार मानले जात आहे. त्याचा काका चंकी पांडे आणि चुलत बहीण अनन्या पांडे यांच्या पावलावर पाऊल ठेवून, अहान बॉलिवूडमध्ये भविष्यात धमाका करण्यास सज्ज आहे. दरम्यान, त्याचे एक जुने विधान समोर आले आहे, ज्यामध्ये त्याने चंकी पांडेसोबतचे त्याचे नाते नाकारले होते .
स्पॉटबॉयच्या वृत्तानुसार, अहान पांडे म्हणाला होता की, “माझे आडनाव पांडे आहे हे मजेदार आहे, पण माझा त्यांच्याशी काहीही संबंध नाही. माझे वडील आलोक शरद पांडे आहेत आणि पांडेंशी माझे हे एकमेव नाते आहे. मी माझ्या लोकप्रियतेमुळे बी-टाउनमध्ये माझी ओळख निर्माण केली आहे.”
अहानच्या विधानाने त्यावेळी काही लोकांना आश्चर्य वाटले, कारण त्याचे वडील चिक्की पांडे हे चंकी पांडेचे धाकटे भाऊ आहेत. अहान पांडे हा चंकी पांडे यांचा पुतण्या आणि अनन्या हिचा चुलत भाऊ आहेत. अहानचा नाते स्विकारण्यास नकार कोणत्याही कौटुंबिक कलहाशी संबंधित होता की नाही हे स्पष्ट झालेले नाही, परंतु ‘पांडे कुटुंब’ सध्या एकत्र आहे आणि सर्वजण मोठ्या मनाने अहानला पाठिंबा देत आहेत.
चंकी पांडेने आपल्या पुतण्यांचे कौतुक करणारी पोस्ट लिहिली होती. त्याने कॅप्शनमध्ये लिहिले होते की, ‘कपूर आणि खानच्या जगात पांडे सिलॅबसबाहेर आहे.’ त्यात अनन्या आणि अहानचा चंकीसोबतचा फोटो देखील होता. चंकी यांची ही पोस्ट व्हायरल झाली. त्यांनी कपूर आणि खान यांच्यावर टीका करण्याचा प्रयत्न केला असे लोक म्हणू लागले.
‘सैयारा’ चित्रपट बॉक्स ऑफिसवर खूप कमाई करत आहे. या चित्रपटाने 6 दिवसांत त्याच्या बजेटपेक्षा म्हणजेच 45 कोटी 3 पट जास्त कमाई केली आहे. देशात त्याचे एकूण कलेक्शन १५३.२५ कोटी रुपये झाले आहे. जगभरात त्याने २१७ कोटी रुपयांचे एकूण केलक्शन केले आहे.
