पुणे प्रतिनिधी :
१८ जून २०२२
काल दि. १७ जून २०२२ ला दहावीचा निकाल जाहीर झाला. यामध्ये विविध विद्यार्थ्यांनी वेगवेगळे गुण मिळवून यश संपादन केले. कुणी ९०% च्या वर, कुणी डिस्टिंकशन, कुणी फर्स्ट क्लास तर कुणी सेकंड क्लास…! या निकालात जितके विद्यार्थी तितके मार्क्सचे प्रकार पाहायला मिळाले.
या सगळ्यांमध्ये सर्वांचे लक्ष वेधून घेतले ते शुभम जाधव या विद्यार्थ्याने. शुभमने सर्व विषयांत प्रत्येकी ३५% गुण मिळवून एक अनोखा विक्रम रचला. त्याच्या या वेगळेपणामुळे तो सार्यांच्या चर्चेचा विषय ठरला आहे. त्याच्या परिसरातील लोकांनी तर त्याची चक्क पुणेरी पगडी घालून वाजत गाजत मिरवणूक काढली. काहींनी तर त्याला खांद्यावर उचलून घेऊन त्याच्या या वैशिष्ट्यपूर्ण निकालाला जणू डोक्यावर घेतले.
शुभम जाधव हा रमणबाग शाळेचा विद्यार्थी आहे. या निकालानंतर आणखी एक गोष्ट प्रकर्षाने जाणवली ती म्हणजे शुभमचा सकारात्मक दृष्टिकोन!
शुभम म्हणतो, “असे कित्येक जण आहेत जे दुर्दैवाने नापास होतात, तरीही त्यातले कित्येक जण आयुष्यात खूप मोठे होतात. मी कमीत कमी पास तरी झालो आहे. आता मी पोलिसात भरती होण्याच्या दृष्टीने तयारी करणार आहे.”
वैशिष्ट्यपूर्ण गुण मिळवून उत्तीर्ण होणार्या आणि इतरांना प्रेरणादायी असा सकारात्मक दृष्टिकोन ठेवणार्या शुभमला डीडी न्यूज मराठीच्या खूप शुभेच्छा!
