मुंबई प्रतिनिधीः डीडी न्युज मराठी.
दि. ०३ मे २०२१
हिंदी चित्रपट सृष्ट्रीतील ८० व ९० च्या दशकातील आघाडीची अभिनेत्री मीनाषी शेषाद्री यांचा कोरोना होऊन मुत्यू झाल्याच्या अफवांना रविवार पासून पीक आले होते. शिवाय, निधना बद्दल वेगवेगळे अंदाज बांधले जात होते. कोरोनाच्या वाढत्या दुस-या लाटेच्या उद्रेकात मीनाषी शेषाद्रीचा कोरोनाच्या संसर्गामुळे तिचा मृत्यू झाला असल्याची शक्यता वर्तविली जात होती.
परंतू, स्वत: मीनाक्षी शेषाद्री यांनी या अफवांना पूर्णविराम दिला आहे. स्वतःच्या निधनाबाबतीत सुरु असलेल्या अफवांसंबंधी मीनाक्षी शेषाद्रीने सोशल मीडियाच्या माध्यमातून आपण ठीक असल्याचे सांगितलं आहे. अमेरिकेच्या डॅलास शहरात पती आणि दोन मुलांसोबत राहणाऱ्या मीनाक्षी शेषाद्रीने तिच्या अधिकृत इन्स्टाग्राम हँडलवरुन एक फोटो शेअर केला आहे आणि फक्त दोन शब्द लिहिले – डान्स पोज! या पोस्टद्वारे तिने आपल्या मृत्यूशी संबंधित सर्व अफवांना आळा घातला आहे.