पुणे प्रतिनिधीः डीडी न्युज मराठी.
दि. ०४ मे २०२१
येरवडा परिसरातील शिवसेना नगरसेवक व माजी शिवसेना गटनेते संजय शशिकांत भोसले यांच्या पाठपुराव्याने मुळा मुठा नदी पात्रातील जलपर्णी स्पायडर मशीन द्वारे काढण्यात आली आहे. त्यामूळे मुळा मुठा नदी पात्र स्वच्छ झाले आहे.
मुळा मुठा नदी पात्राता वर्षानुवर्ष मोठ्या प्रमाणावर जलपर्णी वाढलेली पुणेकरांना पहावयास मिळते. या वाढलेल्या जलपर्णीमूळे नदीपात्राच्या शेजारील नागरिकांना म्हणजेच येरवडा परिसरातील नागरिकांना मच्छरांचा मोठ्या प्रमाणावर सामना करावा लागत होता. त्यातून या परिसरात अनेक रोगराई यांचा प्रादुर्भाव होत होता.
ही वस्तुस्थिती नगरसेवक संजय भोसले यांच्या लक्षात आल्यावर त्यांनी मुळा मुठा नदी पात्रातील सर्व जलपर्णी काढण्यासाठी पाठपुरावा केला. नुकतेच स्पायडर या मशीन व्दारे नदी पात्रातील जलपर्णी काढण्यात आली आहे. या कामाचे परिसरातील नागरिकांनी विशेष कौतूक केले आहे.
