लग्नपत्रिका वाचून गोंधळले पाहुणे!

डीडी न्यूज प्रतिनिधी :
दि. १४ मे २०२४

अनेकांचा लग्नात काहीतरी हटके करण्याचा प्रयत्न असतो. यात वेगळ्या मजकुराच्या लग्नपत्रिकाही उपयोगात आणल्या जातात. कधी लग्नपत्रिकाच तर कधी तिच्यातला मजकूर विचित्र असतो. सोशल मीडियावर अशा कितीतरी लग्नपत्रिका व्हायरल झाल्या आहेत. अश्या यादीत आता आणखी एका लग्नपत्रिकेची भर पडली आहे. गेल्या काही दिवसांत बऱ्याच लग्नपत्रिका सोशल मीडियावर व्हायरल झाल्या आहेत. अशाच एका कार्डनं आतासुद्धा सर्वांचं लक्ष वेधून घेतलं आहे. पाहुण्यांसाठी एक महत्त्वाची सूचना या लग्नपत्रिकेच्या शेवटी देण्यात आली आहे.

प्रत्येकजण लग्न करतो, परंतु एकतर श्रीमंत किंवा सेलिब्रिटी आहेत अश्याच लोकांची लग्नं चर्चेत येतात. अश्यातच, त्यांचे लग्न प्रसिद्ध करण्यासाठी लोक काही ना काही हिकमती करू लागले आहेत. काही लोक लग्नात अमाप पैसा खर्च करून प्रसिद्धीच्या झोतात येण्याचा प्रयत्न करतात, तर काहींना खास ठिकाणी लग्न करून जगाच्या नजरेत येण्याची इच्छा असते. अश्यातच, आजकाल चर्चेत येण्याचा आणखी एक मार्ग खूप प्रचलित झाला आहे आणि तो म्हणजे लग्नपत्रिका! लोक त्यांच्या लग्नाची पत्रिका अनोख्या पद्धती वापरुन, शक्कल लढवून छापत आहेत. अशीच एक लग्नपत्रिका आजकाल सोशल मीडियावर खूप व्हायरल होत आहे, जी पाहून नेटकरी आश्चर्य व्यक्त करत आहेत.

तुम्ही लग्नपत्रिकेत पाहिलं असेल पत्रिकेच्या शेवटी पाहुण्यांसाठी काही खास सूचना असतात. यात शक्यतो भांड्यांचा आहेर आणू नका, किंवा आहेरच आणू नका असं तर तुम्ही पाहिलंच असेल पण या लग्नपत्रिकेत मात्र काही वेगळंच लिहिलं आहे. या लग्नपत्रिकेत शेवटी, “कृपया दारू पिऊन येऊ नये” अशी सूचना लिहण्यात आली आहे. ही सूचना वाचून पाहुणे लग्नाला यायचं की नाही हे विचारत आहेत.

काहीजण ही लग्नपत्रिका पाहून आश्चर्यचकित झाले होते. या लग्नपत्रिकेची सोशल मीडियाच्या वेगवेगळ्या प्लॅटफॉर्मवरही खूप चर्चा होत आहे. सोशल मीडिया प्लॅटफॉर्म इन्स्टाग्रामवर sonamgupta2323 नावाच्या आयडीसह या अनोख्या लग्नाचे कार्ड शेअर करण्यात आले आहे, ज्याला आतापर्यंत तब्बल ४ लाख १२ हजार ३७२ हून अधिक लाईक्स मिळाले आहेत, तर बर्‍याच लोकांनी विविध मजेदार प्रतिक्रियाही या पत्रिकेवर, विशेषतः तिच्यामधील सचानेवर दिल्या आहेत. एका यूजरने लिहितो की ही “नेक्स्ट लेव्हल” आहे, तर कोणी “हे वाचून माझे मन गोंधळले” असे लिहिले आहे तर एकाने “आता आम्ही कोणत्याच लग्नाला जाययचं नाही का?” असा सवाल विचारला आहे.