मुंबई प्रतिनिधी :
दि. १९ मार्च २०२५
नासाच्या अंतराळवीर सुनीता विल्यम्स आणि क्रू-९ टीमने अवकाशातील ९ महिन्यांच्या असाधारण मोहिमेनंतर १९ मार्च रोजी पृथ्वीवर एक अद्भुत पुनरागमन केलं. अंतराळवीर निक हेग, बुच विल्मोर आणि रशियन अंतराळवीर अलेक्झांडर गोर्बुनोव्ह यांचा समावेश असलेल्या क्रूने पृथ्वीभोवती ४५७७ प्रदक्षिणा पूर्ण केल्यानंतर ते परत आले.
त्यांच्या परत येण्याने जगभरातून उत्साह आणि कौतुकाची लाट उसळली, अनेक प्रमुख भारतीय सेलिब्रिटींनी सोशल मीडियावर अंतराळवीरांना त्यांच्या ऐतिहासिक आणि शौर्यपूर्ण प्रवासाबद्दल अभिनंदन केलंय. सुनीता विल्यम्स आणि तिच्या क्रूच्या परत येण्याचा आनंद साजरा करणाऱ्या पहिल्या सेलिब्रिटींपैकी एक भारतीय मेगास्टार चिरंजीवी आहेत. चिरंजीवी यांनी ट्विटरवर पोस्ट शेअर करत लिहिलं की, ‘पृथ्वीवर परत आल्याबद्दल आपलं स्वागत आहे. सुनीता विल्यम्स आणि बुच विल्मोर !! ऐतिहासिक आणि वीर ‘घरी’ येत आहेत!!!”
आर माधवनने पोस्ट शेअर करत लिहिलं की, ‘प्रिय सुनीता विल्यम्स पुन्हा एकदा या भूमीवर तुझं खूप स्वागत. आमच्या प्रार्थनांना आज यश आलं. तुम्हाला सुरक्षित आणि हसताना पाहून खूप छान वाटतंय. तब्बल २६० हून जास्त दिवस अंतराळात राहून सुरक्षित परत येणं.. करोडो लोकांच्या सदिच्छा आणि देवाच्या आशीर्वादामुळे हे सर्व शक्य झालंय. तुमच्या संपूर्ण टीम आणि क्रूचे माझ्याकडून अभिनंदन.’
मिस वर्ल्ड आणि बॉलिवूड अभिनेत्री मानुषी छिल्लरनेही सुनीता विल्यम्सच्या परत येण्याबद्दल तिचा उत्साहाचं कौतुक केलं आहे “असे क्षण मानवतेची व्याख्या करतात! आपण आपलं संशोधन आणि तंत्रज्ञान पुढे नेण्याचा प्रयत्न करत असताना, कठीण काळात आपली लवचिकता आपल्याला परिभाषित करते,” असं मानुषी छिल्लरने सोशल मीडियावर लिहिलं.
तेलुगू अभिनेता शौर्य यांनीही सुनीता विल्यम्स आणि त्यांच्या टीमचे कौतुक केलं आणि त्यांना ‘विश्वाचे खरे योद्धे’ असं म्हटलं आहे. “सुनीता विल्यम्स आणि त्यांच्या टीमचे पुनरागमन केवळ अंतराळ समुदायासाठीच नव्हे तर भारत आणि जगासाठी एक महत्त्वपूर्ण प्रसंग आहे” असं त्यांनी पुढे म्हटलं आहे.
