मुंबई प्रतिनिधीः डीडी न्युज मराठी
दि. ०३ जुन २०२१
मराठी आणि हिंदी चित्रपटसृष्टीतील प्रसिद्ध गायिका वैशाली माडे यांनी आज उपमुख्यमंत्री व राष्ट्रवादी काँग्रेस पक्षाचे ज्येष्ठ नेते अजित पवार यांच्या उपस्थितीत पक्षप्रवेश केला. त्यामूळे राष्ट्रवादी काँग्रेस पक्षात सेलेब्रेटींचा पक्ष प्रवेश होत आहे. त्यामूळे येणा-या कालावधीत पक्षास त्याचा किती फायदा होईल हे पाहणे औत्सुक्याचे ठरेल.
खासदार सुप्रिया सुळे यांच्या पुढाकाराने आणि सामाजिक न्याय मंत्री ना. धनंजय मुंडे, राष्ट्रवादी काँग्रेस चित्रपट, साहित्य, कला व सांस्कृतिक विभागाचे अध्यक्ष बाबासाहेब पाटील, प्रदेश समन्वयक संतोष साखरे, सिनेअभिनेते आणि प्रदेश उपाध्यक्ष विजय पाटकर व इतर पदाधिकाऱ्यांच्या उपस्थितीत हा पक्षप्रवेश झाला. वैशाली माडे यांची प्रदेशाध्यक्ष ना. जयंत पाटील यांच्या निर्देशांनुसार राष्ट्रवादी काँग्रेस चित्रपट, साहित्य, कला व सांस्कृतिक विभागाच्या विदर्भ विभाग अध्यक्ष म्हणून नियुक्ती करण्यात आली आहे.
याप्रसंगी अजित पवार यांनी मांडे यांचे पक्षात जाहिर स्वागत करुन पुढील वाटचालीसाठी शुभेच्छा दिल्या.
