डीडी न्यूज क्रीडा प्रतिनिधी :
दि. ३० जून २०२५
भारतीय संघ दुसऱ्या कसोटीसाठी सज्ज होत आहे. पण त्याचवेळी भारताच्या संघात एका मॅचविनर खेळाडूची एंट्री झाल्याचे पाहायला मिळाले. भारताचा युवा कर्णधार शुभमन गिलने एक फोन फिरवला आणि हा मॅचविनर खेळाडू थेट संघात दाखल झाला.
भारतीय संघाला पहिल्या सामन्यात पराभव पत्करावा लागला. पहिल्या कसोटीत भारताचे ३-४ खेळाडूच चमकले, बाकीच्यांनी मात्र निराशा केली. त्यामुळे आता दुसऱ्या कसोटी सामन्यात भारताच्या संघात मोठे बदल केले जाणार असल्याचे संकेत मिळत आहेत. त्यामध्येच आता शुभमन गिलने एका खास खेळाडूला फोन करून भारतीय संघात बोलावून घेतले आहे. या खेळाडूने संघाबरोबर चांगलाच सराव केला आहे. त्यामुळे आता दुसऱ्या कसोटीत तो खेळणार की नाही, असा प्रश्न चाहत्यांना पडलेला आहे.
भारतीय संघ दुसऱ्या कसोटीचा सराव करत होता, त्यावेळी एक नवीन खेळाडू सराव करताना दिसला. या खेळाडूचा व्हिडिओ चांगलाच व्हायरल झाला. त्यानंतर या खेळाडूल जेव्हा विचारलं की, तू भारतीय संघात कसा आलास, तेव्हा त्याने या गोष्टीचा खुलासा केला.
आयपीएलमधील पंजाब किंग्सचा क्रिकेटपटू हरप्रीत ब्रार यावेळी म्हणाला की, “माझी पत्नी स्विडनची नागरीक आहे. त्यामुळे मी तिच्या घरी आलो होतो. स्विडनहून बर्मिंगहम जवळच आहे, हा प्रवास फक्त दीड तासाचा आहे. शुभमन गिल माझ्याशी काल फोनवर बोलत होता. त्यावेळी त्याने मला सराव करण्यासाठी यायला सांगितलं. मी पण इथेच असल्यामुळे त्याचं ऐकलं आणि भारतीय संघाबरोबर सराव करण्यासाठी आलो.” शुभमन गिलने फोन करून हरप्रीत ब्रारला संघाच्या सरावामध्ये बोलवून घेतले. हरप्रीतने आयपीएलमध्ये चांगली कामगिरी केली होती. त्यामुळे तो चांगल्या फॉर्मात आहे आणि त्याच्या गोलंदाजीचा फायदा भारताच्या फलंदाजांना होऊ शकतो.
हरप्रीत ब्रार हा फक्त सराव करायला आला, पण तो कसोटी सामना खेळू शकणार नाही, हे स्पष्ट आहे. फक्त संघाच्या सरावात सहभागी होण्यासाठी तो आल्याचे पाहायला मिळाले.
