“विरुष्का”ला दाखवला कॅफेतून बाहेरचा रस्ता! न्यूझीलंडमध्ये काय घडलं होतं?

मुंबई प्रतिनिधी :
दि. १२ सप्टेंबर २०२५

क्रिकेट आणि सिनेमाचं पावर कपल म्हणजे विराट कोहली आणि अनुष्का शर्मा — दोघंही कायम चर्चेचा विषय!
ते सोशल मीडियावर फारसे अ‍ॅक्टिव्ह नसले, तरी त्यांचं नाव झळकतं ते कधी एखाद्या गुप्त ट्रिपमुळे, तर कधी एखाद्या आठवणीच्या किस्स्यामुळे.

आता असाच एक धमाकेदार किस्सा समोर आलाय… तोही थेट न्यूझीलंडमधील एका कॅफेतून त्यांना बाहेर काढल्याचा!

गप्पा सुरू आणि वेळेचं भान हरपलं!

भारतीय महिला क्रिकेट टीमची स्टार फलंदाज जेमिमा रॉड्रिग्ज हिने मॅशेबल इंडियाला दिलेल्या मुलाखतीत एक मजेशीर आठवण शेअर केली.
ती आणि स्मृती मंधाना फलंदाजीसंदर्भात मार्गदर्शन घेण्यासाठी विराट कोहलीला भेटायला गेल्या होत्या. तिथे विराटबरोबर अनुष्काही होती. चौघांची गप्पा मारत मारत चांगली चार तासांची मिटींग झाली! सुरुवात झाली क्रिकेटपासून… मग विषय वळले आयुष्य, अनुभव आणि नात्यांच्या छोट्या-छोट्या गोष्टींवर!

जेमिमा म्हणते: “सुरुवातीला वाटलं, क्रिकेटविषयी चर्चा होईल आणि मी काही टिप्स घेईन. पण नंतर असं वाटू लागलं की जुने मित्र भेटलेत आणि जगातल्या सगळ्या गोष्टींवर बोलतायत.”

आणि मग आला तो ‘आऊच’ मोमेंट…

चार तासांच्या गप्पांनंतर कॅफेचे कर्मचारी हलकेच पुढे आले आणि अत्यंत नम्रपणे म्हणाले: “माफ करा, आता तुम्हाला बाहेर जावं लागेल…!”

होय, खरंच! विरुष्का आणि कंपनीला कॅफेतून बाहेर काढण्यात आलं. कॅफे बंद होण्याची वेळ झाली होती आणि गप्पा थांबायचं काही नावच घेईनात!

विराटचं प्रोत्साहन – महिला क्रिकेटसाठी प्रेरणा! या भेटीत विराटने जेमिमा आणि स्मृतीला असंही सांगितलं, “तुम्हा दोघींमध्ये महिला क्रिकेटमध्ये मोठा बदल घडवण्याची ताकद आहे आणि मला तो बदल घडताना दिसतो आहे. तुमचं काम फक्त महत्त्वाचं नाही, तर ऐतिहासिक ठरणार आहे.”

चर्चेतला क्षण – एक आठवण आयुष्यभरासाठी

ही छोटीशी भेट, तीही अनपेक्षित… पण त्यातून मिळालेली प्रेरणा, गप्पांची मजा आणि शेवटी कॅफेतून बाहेर पडण्याचा किस्सा —
“विरुष्का”चं ग्लॅमर आणि विराटचं मार्गदर्शन – यांचं परफेक्ट मिश्रण!

जेमिमासाठी ही आठवण फक्त एक गप्पांची संध्याकाळ नव्हती, तर ती होती एक “फॅन मोमेंट”, एक प्रेरणादायी भेट, आणि थोडीशी मजेशीरही!