इंदापूर प्रतिनिधी :
दि. २४ डिसेंबर २०२५
इंदापूरमध्ये अजित पवार यांच्या नेतृत्वाखालील राष्ट्रवादी काँग्रेस पक्षाने मोठे वर्चस्व सिद्ध करून, नगराध्यक्षपदाच्या निवडणुकीत भरत शहा यांनी १२७ मतांनी विजय मिळवला. त्यांनी नगराध्यक्ष पदाचा पदभार देखील स्वीकारला आहे.
नुकत्याच झालेल्या या निवडणुकीत कृष्णा भीमा विकास आघाडीला सहा जागा मिळाल्या, तर राष्ट्रवादी काँग्रेसचे माजी जिल्हाध्यक्ष प्रदीप गारटकर यांना नगराध्यक्षपदाची निवडणूक हरावी लागली. राष्ट्रवादी काँग्रेसने नगर परिषदेत २० पैकी १४ जागा जिंकून आपले वर्चस्व कायम राखले. गारटकर यांनी शहा यांच्या उमेदवारीला विरोध करत पक्षाच्या जिल्हाध्यक्षपदाचा राजीनामा दिला होता आणि त्यांच्या विरोधात निवडणूक लढवली होती. यासाठी त्यांनी माजी मंत्री हर्षवर्धन पाटील आणि भाजपचे युवा नेते प्रवीण माने यांच्याशी सहकार्य केले.
तरीही, राष्ट्रवादी काँग्रेसने माजी उपनगराध्यक्ष भरत शहा यांना उमेदवारी दिली होती, आणि शहा आणि गारटकर यांच्यात थेट लढत झाली. मात्र भरत शहा यांनी विजयी होऊन नगराध्यक्षपदाचा पदभार स्वीकारला.
