पुणे प्रतिनिधीः डीडी न्युज मराठी
दि. १८ जुन २०२१
म्हणतात ना, ‘पुणे तिथे काय उणे’ याला सार्थ ठरविणारी गोष्ट पुण्यात घडली आहे. पुण्यात काँग्रेस भवन येथे काँग्रेसच्या वतीने ‘छत्री दुरुस्ती’ हा उपक्रम सुरु केला आहे. या उपक्रमास पहिल्यांदा विरोधकांनी टिका केली. मात्र, या उपक्रमात चक्क भाजपने वाटप केलेली छत्री दुरुस्ती साठी आली आणि त्यानंतर या उपक्रमाचे सर्वत्र कौतूक सुरु झाले.
काँग्रेसचे माजी आमदार मोहन जोशी यांनी काँग्रेस भवन येथे पुण्यात पावसाळ्याचा विचार करुन छत्री दुरुस्ती उपक्रम सुरु केला आहे. या उपक्रमा पाठिमागे जोशी यांची कल्पना चांगली होती. मात्र, भारतीय जनता पक्षाच्या कार्यकर्त्यानी या उपक्रमास फार ट्रोल केले. उपहासात्मक भाषा वापरली. आज मात्र, या उपक्रमास नागरिकांची गर्दी केली होती. लाईन मध्ये उभे राहून नागरिकांनी छत्र्या दुरुस्त करुन घेतल्या.
विशेष म्हणजे, आज चक्क भाजपची छत्री या उपक्रमास दुरुस्तीस आली. त्यामूळे काँग्रेसच्या कार्यकर्त्यांनी या छत्रीचा फोटो व्हायरल करीत पुन्हा भाजपाला ट्रोल केले आहे. त्यामूळे काँग्रेसच्या कार्यकर्ते जाम खूश दिसत होते.