डीडी न्यूज मराठी, पुणे प्रतिनिधी
दि. २२ जून २०२२
बाबाजीनगर, कात्रज येथील ‘नेशन फर्स्ट’ प्री-स्कूलमध्ये’ दि. 21 जून 2022 रोजी ‘योगा डे’ मोठ्या उत्साहात साजरा करण्यात आला. योग दिवस हा जगभर मोठ्या उत्साहात संपन्न केला जात असतो. त्याचप्रमाणे तो शाळा व कॅालेजमध्येही उत्साहात साजरा होतो.
“शारीरिक व मानसिक आरोग्य उत्तम राहाण्यासाठी योगाचा फार उपयोग होतो. आनंदी राहाणे, एकाग्रता वाढवणे आणि निरोगीपणा यांना साधण्यासाठी योगासने हा उत्तम उपाय आहे. याच कारणामुळे मुलांना या चांगल्या गोष्टीची गोडी लागावी, बालवयातच त्यांना ‘योगा’चे महत्त्व समजावे यादृष्टीने उचललेले हे एक पाऊल आहे” असे शाळेच्या संचालिका सौ. अश्विनी पवार म्हणाल्या.
‘नेशन फर्स्ट’ स्कूल निसर्गाच्या सान्निध्यात उभारलेलं, शुद्ध आणि स्वच्छ हवा तसेच प्रदूषणमुक्त वातावरण असलेलं प्री-प्रायमरी स्कूल आहे.
या ‘योगा डे’ निमित्तच्या कार्यक्रमात सर्व बाळगोपाळ, संचालिका सौ. अश्विनी पवार तसेच पूजा जंबुकर (शिक्षिका व अॅडमिनीस्ट्रेटर), विद्या सुकाळे (शिक्षिका), संध्या जाधव (असिस्टंट) व इतर स्टाफने भाग घेतला. याप्रसंगी सर्व लहान मुले अतिशय आनंदात दिसत होती आणि त्यांनी हौसेने योगासने करण्याचा प्रयत्न केला.
