मुंबई प्रतिनिधी :
दि. 30 जून 2022
गेले 10 ते 12 दिवस रंगलेलं राजकीय नाट्य आता संपुष्टात आलं आहे. कालच मा. उद्धव ठाकरेंनी राजीनामा दिल्यानंतर महाराष्ट्रातील राजकीय घडामोडींना प्रचंड वेग आला होता. आता मुख्यमंत्री कोण हा सगळ्यांची उत्सुकता शिगेला पोहोचवणारा प्रश्न सर्वांपुढे होता. मा. देवेंद्रजी फडणवीस यांचं नाव पक्क होतंच पण तरीही अंतिम घोषणा होईपर्यंत ‘हे पुन्हा आलेच’ असं कोणी उघडपणे म्हणू शकत नव्हतं.
आता मात्र थेट शपथविधीचीच घोषणा झाल्याने मा. देवेंद्र फडणवीस हे महाराष्ट्रचे मुख्यमंत्री म्हणून ‘पुन्हा आले’ हे निर्विवाद सत्य ठरलं आहे. आज संध्याकाळी सात वाजता शपथविधी संपन्न होणार आहे. मा. एकनाथ शिंदे हे उपमुख्यमंत्री म्हणून शपथ घेतील यावरही शिक्कामोर्तब झाले आहे. बाकी मंत्र्यांचा शपथविधी उद्या होईल असे विश्वासनीय सूत्रांकडून समजते. या घडीला दोन्ही नेते राजभवनात इतर मान्यवरांबरोबर मा. राज्यपाल भगतसिंह कोश्यारी यांच्या समवेत आहेत.
