पुणे प्रतिनिधी :
दि. २९ नोव्हेंबर २०२५
महर्षिनगर! पुण्याच्या स्वारगेट जवळील एक गजबजलेला रहिवासी भाग! याला लागूनच आदिनाथ सोसायटी, गुलटेकडी हे भाग येतात. येथे अगदी भरवस्तीत मध्यरात्री बिबट्या फिरत असल्याचा फोटो जबरदस्त व्हायरल झाला आहे. प्रत्यक्ष घटनास्थळी जाऊन पाहणी केली असता आजूबाजूचा परिसर, शेजारी उभे असलेले टेम्पो, पत्रे या गोष्टी आणि चौकात चालणारा बिबट्या या फोटोतील गोष्टींची शहानिशा करण्यात आली. त्यानुसार हा बिबट्या तिथे खरोखरीच २७ तारखेच्या मध्यरात्री फिरत होता असे प्रथमदर्शनी तरी जाणवते. पुण्याच्या इतर भागांतही बिबट्या दिसल्याचे लोक सांगत आहेत. काही दिवसांपूर्वी धायरी मधील ‘हाय ब्लिस’ सोसायटीच्या आसपासही बिबट्या दिसल्याचे सूत्रांकडून समजते.
cement concrete ची जंगले वाढत चालल्याने आणि डोंगर, झाडी नष्ट होत असल्याने हे प्रकार घडत आहेत असे जाणकारांचे मत आहे.
तथापि महर्षिनगरमध्ये नागरिकांशी संवाद साधला असता संमिश्र प्रतिक्रिया ऐकायला मिळाल्या. काहीजण थोडे चिंतातुर असताना बर्‍याच जणांच्या मते हा फोटो बनावट असल्याचे संगितले जात आहे. विशेषतः युवक वर्ग यावर विश्वास ठेवण्यास तयार नाही.
एकंदरीत काही असले तरी हा प्रकार जर खरा असेल तर त्याकडे गांभीर्याने पाहण्याची गरज आहे हे निश्चित.
